Kryeministri Edi Rama tha nga mbledhja e Asamblesë së PS-së se mbështetja ndaj drejtësisë do të jetë e pakufshme dhe e pakushtëzuar.
Rama u ndal në fjalën e tij në çështjen Beleri, e cila ka tensionuar marrëdhëniet mes Shqipërisë dhe Greqisë.
“Impakti i pazakonshëm i organeve të reja drejtësisë është po ashtu me rëndësi. Sa herë do të bëhet fjalë për aktivitetin e këtyre organeve sidomos të SPAK, nuk do reshtem së foluri.
Shohim se çfarë pala greke po kërkon prej nesh? Përse ndodh kjo? Si ka mundësi që pala greke nuk dëgjon asnjë argument. Vullneti ynë politik duhet ta zgjidhë si e mendojnë ata, ndërsa organet e reja të drejtësisë kanë marrë vendime.
Ne nuk kemi asnjë debat real për të zhvilluar me palën greke për thelbin e çështjes. Por kjo qasje e palës greke tregon se raporti i ri po kalon përmes një sprove të fortë.
Qasja jonë është e re në historinë e pushtetit politik në Shqipëri dhe për të mos u përzier në punët e organeve të drejtësisë, por për t’i mbështetur ato pa kushte në veprimtarinë e tyre agresive kundër korrupsionit , bie ndesh me inercinë e tmerrshme të një historie 111 vjeçare.
Ajo historia i ka mësuar njerëzit të mendojnë se pushteti politik tërheqë për hundë pushtetin gjyqësor”, tha Rama.
Në vijim ai e konsideroi si të neveritshme shprehjen “Rama s’të mbron, Rama të lëshon”.
“Do ua di për nder deri në fund mbështetjen që më keni dhënë, borxhi im ndaj jush është që ta bëni sa më mirë detyrën.
Borxhi është që mos u vendos kurrë në pozitë të vështirë, duke ju kërkuar të bëni gjëra të paligjshme”, tha Rama.
“Nuk e di sa prej jush këtu mendojnë me gjithë mend se ky vend bëhet, dhe se këtë e bën Partia Socialiste dhe asnjë forcë tjetër që ka pasur mundësinë apo çdo individ që sheh Shqipërinë si një jorgan për t’u djegur kur e pickon pleshti i interesit të vetë.
Po të mos e besoja që ky vend bëhet, as do kisha hyrë në politikë me ftesë të liderit historik të PS-së, e as do përpiqesha t’i zija vendin. Apo të mbaja ë kurriz në 20 vjet më shumë baltë se të gjithë ju bashkë për të qëndruar si lider. As do e përballojë dot. Nuk do i hyja detit në këmbë për këtë.
Ma dëgjoni mirë këtë ju dhe gjithë socialistët që janë shumë pak që qarkullojnë fjalën e neveritshme që Rama të lëshon, Rama s’të mbron. Unë kam përgjegjësi të madhe morale, më të madhen fare nga të gjithë ju, por e dini se cila është përgjegjësia ime morale nuk është as të skuqem apo të kërkoj ndjesë pse dikujt që i besoj një detyrë në frontin e betejave hanë pas shpine.
Nuk do pastroj bajgën e korrupsioni nga të korruptuarit. Përgjegjësia ime nuk është morale, sepse kur një që unë i besoj ja merr mendjen paraja dhe tradhëton besimin tuaj e flamurin.
Pasi njëri e ka përdorur flamurin e PS për të vjedhur, dhe ne duhet ta përdorim si letër higjenike? Ndëshkohet kushdo që shkel ligjin brenda dhe jashtë PS. Nuk më shkon mendja që të pastroj bajgën e korrupsionit nga të korruptuarit”, tha Kreu i Qeverisë.
Në vijim, Kryeministri u shpreh se e tërë bota do të mblidhet në Neë York dhe në krye të tryezës do të jetë Shqipëria, teksa shtoi se kjo nuk është pikëmbërritja, por pasqyra e përpjekjeve.
“Flamuri shqiptar ka fituar respekt. Pas pak ditësh e tërë bota do të mblidhet në Neë York dhe Shqipëria do jetë në krye të tryezës, ku merr Presidencën e Këshillit të Sigurimit.
Kjo situatë nuk është pikëmbërritja jonë, por pasqyra e përpjekjeve. Na shërben jo të ulemi të kënaqur për të parë veten, por duke vazhduar ngjitjen. Duke parë në sy të metat dhe përmirësojmë imazhin e vendit”, u shpreh Rama.
Discussion about this post