“Nuk kam staf”, kryetari i Zubin Potokut emëron drejtoreshë vajzën

Dhurata, e bija e të parit të Zubin Potokut, Izmir Zeqiri, mori një dhuratë tepër të çmueshme nga babai kryetar.

Postin e drejtoreshës së Kulturës, ky i fundit ia besoi vajzës së tij.

Këtë tha se qe i detyruar ta bëjë për shkak të mungesës së njerëzve për të formuar qeverisjen komunale.

Nëse analizohen lidhjet familjare, Zeqiri pohon se shumicën e punëtorëve komunalë i bie t’i ketë të afërt, pasi sipas tij, krejt fshati Çabër janë farefis mes vete.

Kryetari shtoi se punën me emërimet politike në kabinet i përfundoi dhe se tani po pret koordinim edhe me Ministrinë e Pushtetit Lokal për hapjen e konkurseve për 200 punëtorë si staf civil.