Aksident i rëndë në Vlorë, makina merr përpara këmbësorin

Një aksident i rëndë ka ndodhur pak minuta më parë në afërsi të fshatit Kote në Vlorë.

Raportohet se një automjet tip “Ford” ka përplasur një këmbësor.

Ky fundit është dërguar në spital për të marrë ndihmën mjekësore, ndërsa nuk dihet gjendja e tij shëndetësore.

Policia ka shkuar në vendin e ngjarjes për verifikimin e shkaqeve të aksidentit.

Njoftimi i policisë

Vlorë/Informacion paraprak

Rreth orës 10:15, në aksin rrugor Vlorë – Kotë, automjeti tip “Ford”, me drejtues shtetasin E. Z., 44 vjeç, banues në Tiranë, ka aksidentuar shtetasin J. D., 48 vjeç, këmbësor.

48-vjeçari është dërguar për mjekim në Spitalin Rajonal Vlorë dhe ndodhet jashtë rrezikut për jetën.

Me drejtuesin e automjetit po kryhen veprimet procedurale.

Grupi hetimor po punon për sqarimin e rrethanave të aksidentit.