Kryeministri Edi Rama nuk i ka dërguar ende Presidentit të Republikës Bajram Begaj, emrat e ministrave të rinj për të dekretuar ndryshimet në qeveri.
Nga ana e institucionit të Kryeministrisë nuk ka një njoftim zyrtar lidhur me arsyet, se përse nuk janë dërguar ende emrat e ministrave të rinj pas ndryshimeve në qeveri, të njoftuar në Asamblenë e PS-së të mbajtur më 4 Shtator.
Kryeministri Rama njoftoi ditën e Asamblesë, se emrat e rinj do të dërgoheshin për dekretim në Presidencë që të nesërmen, pra në datën 5 Shtator, por diçka e tillë nuk ka ndodhur akoma.
Në Asamblenë e PS-së, Rama njoftoi 7 ndryshime në kabinetin e tij qeveritar.
Ministër i Financave dhe Ekonomisë – Emërohet Ervin Mete; Largohet Delina Ibrahimaj
Ministër Shteti për Sipërmarrjen dhe Klimën e Biznesit – Emërohet Delina Ibrahimaj; Largohet Edona Bilali
Ministre e Shëndetit dhe Mirëqenies Sociale – Emërohet Albana Koçiu; Largohet Ogerta Manastirliu
Ministër i Arsimit dhe Sporti – Emërohet Ogerta Manastirliu; Largohet Evis Kushi
Ministër për Europën dhe Punët e Jashtme – Emërohet Igli Hasani; Largohet Olta Xhaçka.
Ministër i Bujqësisë dhe Zhvillimit – Emërohet Anila Denaj; Largohet Frida Krifca
Ministër i Pushtetit Vendor (Ministri e re): Emërohet Arbjan Mazniku
Ministria e Shtetit për Standardet dhe Shërbimet (Shkrihet) – Largohet Milva Ekonomi
Discussion about this post