U mblodhën 43 deputetë! E kuptoni se ku ka rënë standardi?

Nga Ylli Manjani

E kuptoni se ku ka rënë standardi?! E shihni se çfarë shitet në publik?!

43 deputetë, të cilët kanë marrë mandate nga e njëjta listë, u mblodhën. U mblodhën ore eeeejjjj!

U bënë bashkë për të justifikuar mandatet e tyre dhe rrogën që marrin mga taksat tona.

Debati publik vu. Bënë mirë apo bënë keq.  Ua ua ua ua ua…

Sa më takon nuk merrem hiç me këtë debat shterpë, mbi “të mirën apo të keqen”, që gjetën gjuhën deputetët për të folur me njëri-tjetrin.  Më intereson gjetja e gjuhës me publikun mbi nevojat që ka vendi.

A dëgjoi njeri ndonjë ide,projekt apo program se si do përmbyset kjo elitë politike për të ndërtuar një të re?!

Po ndonjë ide se si do të garantohet ekonomia e lirë e tregut; konkurrenca dhe gara; prona private dhe shteti me pushtete të ndara?!

E pra neve na interesojnë këto të fundit, e jo si do justifikojnë rrogën e mandatet që kanë marrë disa deputetë, apo qoftë dhe të gjithë deputetët sëbashku.

SPAKU nuk është program, as qeverisje. Llafosja e deputetëve me njëri tjetrin nuk është ide, as politikë. Halli se si ata do flasin ata me njëri-tjetrin për të ruajtur mandatet e tyre nuk është interes publik.

Vendit nuk i bën më punë thjesht rotacioni, por përmbysja. Përmbysja dhe ndërtimi i çdo standarti nga filllimi. Një e nga një.

Kështu nuk shtyhet më. Politika që premton të kryejë shërbime e punë publike me paret e publikut, është mashtrim.

Çdo bëhet me vendin, me ekonominë, me shtetin, me të ardhmen, me sigurinë ligjore, me anëtarësimin në Europë.

Vetëm kështu më rritet interesi të dëgjoj dhe të kontriboj në politikë.

Për ndryshe, hajt shnet!