Zjarr masiv në kodrat me ullinj në Fier (VIDEO)

Një vatër zjarri ka marrë përmasa masive në kodrat midis Radostinës dhe Shëndëllisë në Fier.

Zjarri është pikasur mesditën e sotme nga banorët e zonës të cilët kanë njoftuar shërbimet zjarrfikëse.

Fillimisht flakët kanë përfshirë bimësi dhe më pas, të favorizuara edhe nga era, janë përhapur me shpejtësi në parcelat me ullinj.

Aktualisht në vendngjarje ndodhen 4 zjarrfikëse të Fierit , një mjet zjarrfikës i Roskovecit dhe një i kompanisë Albpetrol të cilat i janë bashkuar aksionit për neutralizimin e flakëve.

Flakët janë duke iu afruar zonës pyjore ndërkohe që terreni i vështire e bën të pamundur ndërhyrjen e zjarrfikësve.