Kelman Qibini shqiptari nga Tepelena i cili u quajt hero në Suedi, ka humbur jetën nga një sëmundje e rëndë. Ai u bë i njohur kur mediet në Suedi shkruajtën për të duke e cilësuar edhe “hero”, pasi ai shpëtoi fqinjin, i cili rrezikoi jetën nga zjarri që kishte rënë në shtëpinë e tij.
Një zjarr i madh shpërtheu në një bllok banesash në Alby të Suedisë, ku shqiptari Kelman Qibini, nga Tepelena së bashku me fqinjët e tjerë u kthyen në heronj, duke u ardhur në ndihmë të rrezikuarve dhe duke shpëtuar një burrë nga flakët, pasi kishte mbetur i bllokuar në shtëpi.
Flakët që përfshinë zonën ishin shumë të mëdha dhe nëse fqinjët nuk do të ndërhynin me shpejtësi zjarri mund të shkaktonte edhe viktima. Zjarri fillimisht kishte rënë në kuzhinën e banesave dhe më pas ishte shpërndarë me shpejtësi, ku brenda ishte një person.
“Dëgjova nga jashtë që ai po bërtiste dhe hyra brenda flakëve. Nëse nuk do të ndërhyja dhe personi do të kishte vdekur, do ishte shumë e vështirë të jetoja me këtë mendim Ka qenë e vështirë të flemë sonte. Jam akoma i mërzitur nga ajo që ndodhi. Unë ndoshta kam bërë atë që shumica e njerëzve do të kishin bërë në këtë situatë.”, tha asokohe shqiptari Kelman Qibini.
Discussion about this post