Vodhën pensionet, arrestohen 7 punonjës të Postës Shqiptare

Shtatë persona janë arrestuar nga Policia pasi dyshohet se kanë përvetësuar pensionet.

Kjo u bë e ditur ditën e sotme nga ministri i Drejtësisë Ulsi Manja.

Manja shkruan se këto persona i kanë shkaktuar shtetit dëm prej 33.000.000 lekësh.

Punonjësit ishin të punësuar në postat shqiptare në: Dibër, Shkodër dhe Tropojë.

“Përvetësonin pensionet duke i shkaktuar shtetit një dëm prej 33.000.000 lekësh, 7 zyrtarë para drejtësisë! Falë denoncimeve të qytetarëve, Agjentët tanë të Antikorrupsionit kanë çuar para drejtësisë 7 punonjës të Postës Shqiptare në Dibër, Shkodër, Tropojë, të cilët përvetësonin ndihmën ekonomike, pagesat për personat me aftësi të kufizuar dhe pensionet e atyre që jetojnë jashtë vendit!

Zero tolerancë për zyrtarët që abuzojnë me ligjin për përfitime personale! Inkurajoj të gjithë qytetarët të denoncojnë çdo rast të korrupsionit që hasin në zyrat shtetërore. Bëj pjesën tënde në luftën kundër korrupsionit‼️”, shkruan Ulsi Manja.