Në mbledhjen e Asamblesë në 4 shtator, Kryeministri Edi Rama, njëherazi edhe Kryetar i PS-së, krahas ndryshimeve në Qeveri, ka bërë të ditur edhe ndryshimet në Sekretariatin e Partisë Socialiste.
Në Sekretariatin e ri të PS-së nuk do të jetë pjesëtar Damian Gjiknuri, i cili u shkarkua si Sekretar i Përgjithshëm, ndërsa u zëvendësua përkohësisht nga Blendi Klosi.
Duke komentuar ndryshimet në emisionin “Breaking” në Top Neës, Klosi tha se “zgjedhja e ministrave i takon kryeministrit, Rama”.
Ndërkohë lidhur me ndryshimet në Sekretariatin e PS-së, Klosi u shpreh se kjo ka të bëjë me një ripozicionim brenda strukturave të kësaj partie.
Por gjithashtu është aluduar se largimi i Gjiknurit si “numri 2” në PS mund të ketë lidhje me veprimet që mund të ndërmarrë SPAK në kuadrin e hetimeve që po zhvillon për çështje të ndryshme.
Klosi ka shmangur komentet, por e ka cilësuar Gjiknurin një mik dhe një koleg të vjetër që ka pasur rezultate të jashtëzakonshme. “Gjiknuri është një personalitet i PS-së, ka drejtuar garën e PS-së në 2023 kur ne fituam zgjedhjet. Nuk është një mënjanim, por një ripozicionim i faktorëve në PS”, tha Klosi.
Discussion about this post