Mbetjet në rrugë, Rama: Gjoba 1 mln e pamjaftueshme (VIDEO)

Kryeministri Edi Rama ka postuar në rrjetet sociale një video ku shihet një qytetar që hedh plehrat në rrugë nga automjet.

Rama shton se sanksionet për të mbrojtur mjedisin duhet të rriten, pasi sipas tij 1 mln lekë gjobë nuk mjaftojnë.

“1 milionë lekë gjobë nuk mjaftojnë për zotërinë që në kulm të sezonit në Golem, i hedh mbetjet në rrugë, sepse sanksionet për këta ndotës të pacipë duhen rritur me se s’bën për ta mbrojtur Shqipërinë nga ky soj kaq i papërgjegjshëm.

Përgëzim dhe inkurajim i fortë për Policinë e Shtetit që të mos e ulë vigjilencën ndaj akteve dhe denoncimeve të krimit mjedisor”, shprehet Rama.