Dy viktima të cilët humbën jetën, pas sulmeve terroriste të 11 shtatorit janë identifikuar pas 22 vitesh nga zyrtarët e New York City-t. Burri dhe gruaja e identifikuar janë viktimat e 1648 dhe 1649, që u identifikuan përmes testimeve të avancuara të ADN-së nga mbetjet e tyre. Zyrtarët nuk kanë treguar kush ishin ata, për shkak të privatësisë. Këto janë identifikimet e para që nga shtatori 2021, raportoi CNN.
Viktima burrë u identifikua përmes testimit të ADN-së të mbetjeve që u morën në vitin 2001, kurse gruaja nga mbetjet që u grumbulluan në vitet 2001, 2006 dhe 2013. Megjithë përparimin e teknologjisë së ADN-së, afër 40% e viktimave ose 1,000 persona që mendohet se kanë vdekur në tragjedi, mbeten të paidentifikuar.
Mbetjet njerëzore të më shumë se 1000 personave duhet të përkojnë me viktimat të cilat ruhen në Muzeun dhe Memorialin Kombëtar të 11 Shtatorit në të njëjtin vend ku u shuan jetët e tyre.
Gjatë kësaj jave, Presidenti Biden refuzoi një marrëveshje për 5 të burgosur nga Guantanamo që akuzohen për koordinimin e sulmit terrorist të 11 Shtatorit.
Nga kjo marrëveshje, 5 të pandehurit do të akuzoheshin për krime lufte. Rrjedhimisht ata do të dënoheshin me burgim të përjetshëm duke shmangur dënimin me vdekje.
Discussion about this post