KLSH ka publikuar raportin e auditimit të spitalit të Traumës. Në raport evidentohet se magazina e mallrave të SUT nuk plotëson në asnjë drejtim kushtet e ruajtjes së barnave duke shtuar këtu se në këtë ambient gjenden dhe pajisje mjekësore jashtë përdorimit si radiografi.
Po ashtu u verifikua një sasi e madhe e medikamenteve që ishin pa vulën e kuqe me mbishkrimin “për përdorim spitalor ndalohet shitja”.
Nga auditimi i KLSH, u verifikua se barnat dhe materialet e mjekimit ruheshin në magazinën e mallrave të SUT, ku krahas mallrave gjendeshin dhe pajisje mjekësore jashtë përdorimit e me rrezikshmëri për shëndetin e njeriut.
Zonat e magazinimit duhet të jenë të përshtatshme për të siguruar kushte të mira të ruajtjes. Në veçanti, ato duhet të jenë të pastra, brenda kufijve të temperaturës dhe lagështirës. Kushtet e ruajtjes duhet të sigurohen, kontrollohen, monitorohen sipas specifikimeve në etiketën e barit.
Barnat nuk duhet të jenë në kontakt të drejtpërdrejtë me dyshemenë dhe muret e të kenë hapësirë të përshtatshme për të lejuar pastrimin dhe inspektimin.
Discussion about this post