Cezary Kulesza, Presidenti i Federatës Polake të Futbollit, shprehet se kualifikimi i Polonisë në Euro2024 nuk varet më nga skuadra polake.
Pas humbjes 2-0 në “Air Albania” përballë Shqipërisë, është ndërlikuar situata në grupin E, kryesimin e të cilës e ka kombëtarja kuqezi me 10 pikë pas 5 ndeshjesh, ndërsa Polonia gjendet në vendin e 4 me 6 pikë.
“Do të luftojmë deri në fund, edhe pse jo çdo gjë varet nga ne. Për sa kohë topi është në lojë, ne duhet të bëjmë çdo gjë për të avancuar më tej. Besoj te lojtarët tanë”, shkruan Kuleza në platformën “X”.
Polonia, ashtu si edhe Shqipëria kanë edhe 3 përballje për të luajtur, ndërsa Çekia e vendit të 2-të ka edhe 4 ndeshje.
Shqipëria do të luajën në tetor kundër Çekisë dhe më pas përballet me Moldavinë dhe Ishujt Faroe. Nëse kuqezinjtë në përballjen e 12 tetorit ndaj çekëve do të marrin një tjetër fitore, pothuajse kanë të sigurtë pjesëmarrjen në Euro2024, por gjithashtu i japin një ndihmesë edhe Polonisë, nëse kjo e fundit do të marrë pikët e plota në transfertë ndaj Ishujve Faroe.
Discussion about this post