Seanca e votimit për ndryshimet në Qeveri ka zgjatur më pak se 30 minuta, ndërsa dekreti i vetëm që nuk u votua për shkak të procedurës ishte ai për largimin e Delina Ibrahimajt si ministre e Financave dhe emërimin në këtë post të Ervin Metes.
Olta Xhaçka, Evis Kushi e Edona Bilali janë tre ministret që largohen përfundimisht nga Qeveria, bashkë me Milva Ekonomin, Ministria e së cilës u shkri, për tu krijuar një tjetër Ministri, ajo e Pushtetit Vendor, që do të drejtohet nga Arbion Mazniku.
Në përfundim të procesit të votimit ajo që tërhoqi vëmendjen ishte qëndrimi i disa prej deputetëve socialistë në raport me ministret e shkarkuara.
Olta Xhaçka dhe Evis Kushi janë takuar me kolegët e tyre deputetë të PS-së, të cilët pak minuta më parë kishin votuar për shkarkimin e tyre nga postet që mbanin.
Ndërkohë pak më tutje, Anila Denaj, e rikthyer si ministre e Bujqësisë, duke zëvendësuar Frida Krifcën, duket se po shkënben batuta me Eduart Shalsin.
Në lozhat e Kuvendit ndodhen ministrat e rinj, ata që pritet të marrin zyrtarisht detyrat në Qeverinë Rama, ndërsa shfaqen të menduar.
I vetmi që nuk u votua në seancën e sotme për tu emëruar si ministër i Financave ishte Ervin Mete, i cili u shkarkua si Drejtori i AMF me votim të fshehtë, por duhet që Bordi i Mbikqyrjes Financiare ti miratojë dorëheqjen si anëtar. Dhe deri në seancën e ardhshme plenare, Mete do të duhet të presë për tu emëruar si ministër, ndërsa funksionin e ministres do e kryejë Delina Ibrahimaj.
Discussion about this post