Nikoll Lesi: Ja rruga e vetme që ka opozita për largimin e Ramës

Gazetari Nikollë Lesi komentoi zhvillimet në Partinë Demokratike dhe përplasjen mes dy grupimeve që drejtohen nga Lulzim Basha dhe Sali Berisha.

Sipas Lesit, Basha e ka marrë përfundimisht Partinë Demokratike dhe nuk ka më diskutime se kush do të jetë kryetari i kësaj force politike.

Ai theksoi se opozita është në gjendjen më të dëshpëruar në këto 30 vite dhe e vetmja gjë që mund ta zgjidhë situatën ku ndodhet dhe rikthimin në pushtet, është protesta.

“Opozita është në gjëndjen më të dëshpëruar në këto 30 vite.

Basha për mua ka marrë përfundimisht PD-në. Berisha e ka humbur PD-në e tij historike, ndërsa Bardhi bëri një lëvizje dinjitoze, por prapësëprapë në një tunel të errët një qiri i vogël është dhe nuk më duket se do ketë ndonjë lëvizje të madhe.

Për mua kjo opozitë ka vetëm një zgjidhje, protestë, protestë, protestë dinjitoze në shesh ditë e natë kundër qeverisë.

Për protesta në facebook dhe protesta në deklarata shtypi, Rama qeveris deri në 2030-ën”, tha Lesi në studion e Euronews Albania.