U luajtën mbrëmjen e sotme 4 sfidat e vlefshme për kualifikueset e Europianit 2024, që prodhuan plot 15 gola.
Padyshim që e gjithë vëmendja ishte te Portugalia, që u tregua e pamëshirshme edhe pa kapitenin e saj, Cristiano Ronaldon në fushë, duke shpartalluar me rezultatin 9-0 Luksemburgun, që para këtij dueli mbante vendin e dytë me 10 pikë.
Në këtë mbrëmje, shkëlqyen dy Gonçalot, ai i Sporting Lisbonës, Inacio si dhe ai i PSG, Ramos, të cilët shënuan nga dy gola.
Pjesëmarrësit e tjerë në këtë festival golash ishin edhe Jota, Horta (2 gola), Fernandes edhe Joao Felix.
Me këtë fitore, luzitanët kapin kuotën e 18 pikëve, në vendin e parë. Skuadra e Martinez ende nuk ka pësuar gol në këto kualifikuese.
Ndërkohë në duelet e tjera, Sllovakia mposhti 3-0 Lihtenshteinin, Islanda ia doli ndaj Bosnjës me rezultatin 1-0, fitore e artë edhe për Uellsin në transfertë ndaj Letonisë, me rezultatin 2-0.
Discussion about this post