Pamje me të vërtetë të frikshme janë ato që janë shfaqur nëpër mediat e ndryshme, pas stuhisë që goditi Libinë, duke marrë me mijëra jetë njerëzish.
Stuhia “Daniel” ka shkaktuar shkatërrime në masë në disa zona dhe shumë viktima e të zhdukur.
Sipas mediave të huaja, numri i viktimave raportohet që deri më tani të jetë mbi 2200 persona, kryesisht në qytetin e Dernas, që është edhe më i prekuri, sipas agjencive dhe zyrtarëve ndërkombëtarë.
Sipas Mohammad al-Khabisi, drejtori i Spitalit Wahda, 1700 njerëz vdiqën në një nga rrethet e qytetit dhe 500 në tjetrin. Kryqi i Kuq ka frikë se numri përfundimtar i viktimave të stuhisë “Daniel” do të jetë shumë më i lartë, pasi 7 mijë banorë janë lënduar dhe më shumë se 10 mijë rezultojnë të zhdukur.
Pamjet e shpërndara përmes videove në mediat sociale tregojnë trupa të vdekurish të shtrirë në rrugët e qytetit dhe përmbytje shkatërruese në Derna, ku duken edhe makinat të zhytura nën ujë.
https://twitter.com/i/status/1701595913536618792
Qyteti në fjalë u rrafshua nga shembja e dy digave, gjë që ka bërë që edhe dëmet në njerëz të jenë të mëdha. “Rrugët janë të mbushura me të vdekur”, thonë banorët e qytetit që i mbijetuan fatkeqësisë.
The streets are filled with corpses. 💔🇱🇾
Exclusive footage shows the overcrowded hospital sidewalks in the Libyan city of Derna with the bodies of flood victims that have struck the country.#Libya #إعصار_دانيال #انقذوا_الشرق_الليبي #ليبيا pic.twitter.com/GTGULYckDr
— Algeria Mix II (@AlgMiix) September 12, 2023
Discussion about this post