Goli më i bukur, Jasir Asani në garë për çmimin e madh nga UEFA

Janë mbyllur dy xhirot e muajit shtator për kualifikueset e Kampionatit Evropian ‘Euro 2024’.

Ka qenë një muaj shumë i suksesshëm për Kombëtaren e Shqipërisë që mori katër pikë nga dy ndeshje dhe bëri një hap gjigant drejt kualifikimit për në Euro 2024.

Jasir Asani ka shënuar një gol të jashtëzakonshëm në fitoren e kuqezinjve 2-0 ndaj Polonisë, gol që është bërë viral.

Goli i sulmuesit shqiptar është vlerësuar lart edhe nga UEFA që e ka vendosur atë në mesin e katër më të mirëve të xhiros së dytë.

Asani është në garë për ta fituar çmimin e golit të xhiros së bashku me yllin e Portugalisë dhe Barcelonës, Joao Felix.

Në garë është edhe Leonardo Trossard i Belgjikës që realizoi një gol të bukur si dhe Maxim Samorodov i Kazakistanit i cili gjithashtu shënoi një gol të bukur ndaj Irlandës.

Ylli i Kombëtares, ka nevojë për votat e tifozëve shqiptarë për ta fituar këtë çmim shumë të rëndësishëm.

🇦🇱 Asani
🇵🇹 João Félix
🇧🇪 Trossard
🇰🇿 Samorodov

Who gets your vote for Goal of the Round? 🥇#EQGOTT | @AlipayPlus

— UEFA EURO 2024 (@EURO2024) September 12, 2023