Kryedemokrati Sali Berisha e ka përshëndetur suksesin e regjisorit shqiptar Erenik Beqiri në edicionin e 80-të të Bienales së Venecias, ku ai arriti me filmin e tij “Një udhëtim i shkurtër” (A short trip) të triumfojë në mes 12 produksioneve në kategorinë “Orizzonti Cortometragio” për filmat me metrazh të shkurtër.
“Shqiponja dhe plisi binom i pandarë! Erenik Beqiraj ia zbardhi faqen kombit. Filmi i tij “Një udhëtim i shkurtër” mori “Luanin e Artë” në Venecia. Suksese gjithnjë e më të mëdha”, uroi ai.
Në vazhdim, Berisha solli në vëmendje tentativën e një tjetër emri në Shqipëri që mban postin e kryeministrit të vendit, Edi Ramës, për të fituar çmime si artist në bienalet e Venecias, duke shtuar këto radhë:
“Ps. Piktori dështak Edi Rama, sapo u bë kryeministër u paraqit në Venecia me vizatimet e tij. Ato ngjallën të përziera publikut. Zhgarravina të një adoleshenti të droguar i damkosën ato kritikët e njohur të artit.”
Discussion about this post