Kryetari i PD, Lulzim Basha, mblodhi sonte Kolegjin e Kryetarëve, në një takim që zgjati mbi 2 orë. Burime për mediat bëjnë me dije se në mbledhje u fol për organizimin e degëve dhe strukturave të PD dhe se deri më 5 tetor do të ketë verifikim të plotë të anëtarësisë.
Ky proces do mbyllet më 31 dhjetor dhe synimi është që PD zyrtare të jetë gati për përballjen e zgjedhjeve të 2025.
Pas takimit me Kolegjin, Basha do zhvillojë takim me anëtarët e kryesisë. Pjesë e kryesisë janë Enkelejd Alibeaj, Sekretar i Përgjithshëm i PD, post që më parë e mbante Gazment Bardhi dhe që u shkarkua pas kritikave ndaj Bashës.
Ndërkohë, katër nënkryetarët e PD janë: Flutura Açka, Kreshnik Çollaku, Orjola Pampuri dhe Roland Bejko, ndërsa Kryetar i Këshillit Kombëtar u zgjodh Xhemal Bushati dhe kryetar i Komisionit Zgjedhor, Jemin Gjana.
Kryesia e re u zgjodh më 9 shtator dhe la jashtë të gjithë deputetët, kryesuar nga Gazment Bardhi dhe Jorida Tabaku që kundërshtuan kthimin e Bashës në krye të PD-së.
Discussion about this post