Ekzekutimi i ish-deputetit në Shkodër, arrestohet një tjetër autor i dyshuar (EMRI)

Arrestohet një tjetër autor i dyshuar për vrasjen e ish-deputetit Pashko Ujka në Shkodër.

Burime bëjnë me dije se pas 20-vjeçarit Kristjan Klemendi, në komisariat është shoqëruar edhe Marjan Kola 53 vjeç.

Nuk dihet ende roli që ka patur i arrestuari, ndërsa pritet të zbardhen detaje pas marrjes në pyetje të tij.

Ujkës i është bërë pritë pranë shtëpisë së tij, në lagjen “Vasil Shanto” në Shkodër. Ai mori plagë në shtyllën kurrizore dhe për pasojë humbi jetën në spital.

Në momentin e vrasjes ai ka qenë i shoqëruar nga bashkëshortja dhe vëllai i tij të cilët kanë parë të gjithë ngjarjen. Në dëshminë e saj, gruaja ka deklaruar se thjesht ka parë bashkëshortin e saj që është shembur në tokë, duke konfirmuar se është qëlluar me silenciator.

Pashko Ujka, ish-deputet dhe ish-kryetar i Velipojës, u vra me armë tip silenciator në qendër të qytetit verior. Vrasësi besohet se ka vepruar i vetëm dhe ka qëlluar 64-vjeçarin me një plumb pas shpine dhe është larguar nëpër rrugicat e pallateve