I shpallur në kërkim, arrestohet 24-vjeçari. Detajet

Një 24 vjeçar, i shpallur në kërkim për kultivim kanabisi, është arrestuar sot nga policia.

Sipas një njoftimi zyrtar, Policia arrestoi shtetasin R.SH, pasi Gjykata e Rrethit Gjyqësor Vlorë i ka caktuar masën e sigurisë “Arrest në burg”.

“Shërbimet e Komisariatit të Policisë Nr. 3, në vijim të punës për kapjen e shtetasve në kërkim, bazuar në informacionet e siguruara nga inteligjenca policore, për vendodhjen e një shtetasi në kërkim, menjëherë kanë organizuar punën për kapjen dhe vënien e tij përpara përgjegjësisë ligjore.

Në rrugën “Mine Peza”, shërbimet e Komisariatit të Policisë Nr. 3 kanë kapur shtetasin R. Sh., 24 vjeç, banues në Tiranë.

24-vjeçari ishte shpallur në kërkim pasi Gjykata e Rrethit Gjyqësor Vlorë i ka caktuar masën e sigurisë “Arrest në burg”, për veprat penale “Prodhimi dhe shitja e narkotikëve” dhe “Prodhimi dhe mbajtja pa leje e armëve të ftohta”,- njofton Policia.