Deputetja e PD Grida Duma ka prezantuar sot qëllimin dhe ecurinë që do të ndjekë. Përmes një postimi në rrjetin social Facebook ajo ka treguar se çfarë u diskutua në mbledhje, ndërsa ka theksuar se kjo lidhje do të qëndrojë jashtë politike, të cilën ajo e quajti strukturë të mykur.
“Sot u zhvillua Lidhja Demokratike e Gruas. Theksuam për transparencë dhe besim, që të gjitha zonjat e këtij grupi pune janë të përjashtuara nga kandidimi për LDG-në. Duke dhënë kështu provën e parë të dedikimit përtej çdo konjukture pushteti. Gratë profesioniste, të respektuara në komunitet, mjeket, avokatet, pedagoget, artistet, arkitektet, psikologet; zonjat e te gjitha profesioneve nuk mund ta gjejnë veten në struktura të mykura partiake. Lidhja Demokratike e Gruas, nuk mund dhe as do të jetë më një strukturë e varur politike. Duhet dhe do të jete një strukturë më e gjerë se politike, madje kritike e konstruktive me vetë Partine Demokratike në ndërtimin e vlerave”, u shpreh Duma
Më tutje ajo tha se, Lidhja Demokratike e Gruas, duhet të shndërrohet në një strukturë të hapur, të madhe. Një strukturë që nuk i shërben pushtetit të njërës apo përdorimit nga një-shi, por do D të hapet drejt shoqërisë dhe intelektualeve. Në përfundim Duma falënderoi Fonacionin Conrad Adenuaer, Drejtorin Tobias Rüttershoff; z. Arben Cejku, Drejtor i ACGG, Prof. Dr. Afrim Krasniqi, Drejtor i ISP për organizimin shumë të frytshëm të këtij aktiviteti.
Discussion about this post