Një pallat 10-katësh në zonën e “Ish Parkut të Autobusëve” në Tiranë u përfshi nga një zjarr me përmasa masive, ku janë shkrumbuar 4 hyrje. Fatmirësisht nga zjarri nuk mbeti asnjë person i lënduar, ndonëse banorët janë frikësuar dhe humbjet e shkaktuara nga zjarri janë të mëdha.
Një nga banoret e pallatit u shpreh se e kanë kaluar natën jashtë. Ajo kërkoi që të gjendet fajtori për nisjen e zjarrit e shteti t’i rimbusojë për dëmet.
“E kam në katin e katërt. Mbrëmë kemi fjetur jashtë. Shteti duhet të vinte të na stresonte. Të gjendet fajtori si u hodh zjarri dhe ti rimbursojë këta banorë. I kemi blerë me djersë. Se di a ka pasur impiant kundër zjarrit.”– tha banorja.
Zjarr ra pasditen e djeshme, fillimisht në pjesën e pasme të pallatit në katin e dytë dhe më pas flakët kanë përfshirë të gjithë katet deri në katin e fundit, i cili është djegur plotësisht. Flakët janë favorizuar edhe nga sistemi i veshjes dhe izolimit të pallatit. Zjarri qëndroi i ndezur për disa orë derisa u vu nën kontroll nga zjarrfikësit.
Discussion about this post