Këngëtari i njohur dhe i dashur për publikun shqiptar, Stefi Prifti, është bërë gjysh për herë të parë. Këngëtari ka dhënë lajmin përmes një postimi në rrjetet sociale, duke treguar momentin kur u takua për herë të parë me të porsalindurin.
Këngëtari tregon se statusi i gjyshit, është ndjesia më e mirë që ka provuar në jetë.
“Njeriu në jetë provon ndjesi dhe emocione nga më të ndryshmet dhe të shumëllojshme.
Ndër gëzimet më të rëndësishme të jetës time kane qenë disa… Fitorja e konkursit për në Institutin e Lartë të Arteve… Dashuria.. Martesa… Muzika dhe Sukseset artistike… Ardhja në jetë e dy vajzave të mia etj.
Por, ç’na qenka kjo ndijesia e të bërit gjyshi… Më kishin treguar, por kjo është e para herë që e provoj një mrekulli dikush më thotë NONO… Një status i bukur për mua!
Welcome bukuroshi i gjyshit, Zayan
Mirë se erdhe dhe i bekuar të jesh”, shkruan këngëtari.
Discussion about this post