Të gjithë mjekët, policët dhe ushtarakët e rinj, mund të nisin procedurat për kreditë e lehtësuara.
Kjo u bë e ditur ditën e sotme nga kryeministri Edi Rama, i cili thotë se në e-Albania ofron shërbimin e dedikuar për kreditë e lehtësuara për 300 punonjësit e parë të Policisë së Shtetit, Forcave të Armatosura dhe mjekët që do të përfitojnë nga ky program i ri mbështetjeje për familjet e reja të këtyre tre kategorive.
Kreu i qeverisë, Edi Rama ka postuar videon që tregon me detaje hapat që duhet të ndjekin secili për të bërë këtë aplikim.
“LAJM I MIRË NIS PROGRAMI I KREDIVE TË LEHTËSUARA PËR MJEKËT, POLICËT DHE USHTARAKËT E RINJ
e-Albania ofron shërbimin e dedikuar për kreditë e lehtësuara për 300 punonjësit e parë të Policisë së Shtetit, Forcave të Armatosura dhe mjekët që do të përfitojnë nga ky program i ri mbështetjeje për familjet e reja të këtyre tre kategorive. Hapat e thjeshtë të aplikimit në e-Albania në 30 ditët e ardhshme mundësojnë një proces të shpejtë e transparent për aksesin në këtë program të ri.
Discussion about this post