Një grua nga Amerika është kritikuar pasi bëri të birin të pozonte para kamerës duke qarë për të marrë më shumë pëlqime në rrjetet sociale.
Ndonëse e ka fshirë videon nga kanali i saj në YouTube, ajo është përhapur edhe në rrjetet e tjera sociale. Në të, shihet një nënë e ulur me djalin e saj në veturë dhe duke shpjeguar se si qeni i tyre vdiq.
Djali pranë saj qan dhe ajo e fton që t’i afrohet dhe të shikojë kamerën.
“Lutuni për ne, ne e vlerësojmë”, thotë nëna para kamerës dhe më pas fton të birin që t’i afrohet edhe më shumë.
“Vëre kokën mbi shpatullën time dhe bëj sikur po qan”, i tha ajo djalit në pjesën që mesa duket kishte harruar ta heqë.
“Po qaj”, i përgjigjet djali i saj. Më pas ata të dy shikojnë kamerën, derisa mamaja më në fund mbyll regjistrimin me fjalët: “Na rregull, mbaroi”.
Njerëzit u tronditën nga sjellja e nënës dhe as që u përpoqën ta fshihnin në komentet e tyre.
“Ky është si një episod i Black Mirror”, “Kur ndihem si prind i dështuar, shikoj këtë video dhe ndihem menjëherë më mirë”, “Shfrytëzimi i turpshëm i fëmijëve”, “A ka thirrur dikush shërbime sociale për të?”, “Unë Jam i inatosur”, disa janë nga komentet.
Discussion about this post