Ish-deputeti demokrat Myslym Murrizi tha se Lulzim Basha dhe Gazment Bardhi ikën nga PD si hajdut vulash.
Në studion e “Breaking”, Murrizi tha se Lulzim Basha nuk ka ikur asnjëherë nga PD, por ai dhe Bardhi vodhën vulën e PD-së, ndërsa tani po zihen se kush do e marrë atë vulë që vodhën.
“Që nga koha e Gramoz Pashkos dhe të gjithë të tjerët që janë larguar nga PD, qoftë edhe unë, krijuam nga një parti, patëm një vulë tonën, ndërsa Lulzim Basha dhe Gazment Bardhi, vepruan si hajdutë, vodhën vulën e PD, ja kjo është e vërteta”, tha Murrizi.
Në vijim ai tha se në PD janë disa pa shtyllë kurrizore, lëvizin si eunukë.
“Sali Berisha nuk është pronar i PD-së, unë nuk e di se si ndjehen sot Edi Paloka, Flamur Noka, Tritan Shehu, Oerd Bylykbashi, Albana Vokshi, kur shohin Gazment Bardhin që na shfaqet si Xhovani Falcone?
Sot të gjithë anëtarët e Këshillit Kombëtar të PD-së që mbështetën atë Kuvendin e 11 dhjetorit duhet ti kërkojnë llogari Gazment Bardhit, të gjithë ata që provuan atë gazin lotsjellës në 8 janar te selia e PD-së duhet ti kërkojnë llogari Bardhit dhe të gjithë këtyre deputetëve, dhe nëse nuk i kërkojnë llogari janë të poshtër, janë maskarenj”, tha Murrizi.
Sipas tij, nëse deputetët e PD nuk do të iknin nga Parlamenti, por do të qëndronin sikundër qëndroi Murrizi dhe Rudina Hajdari, duke mos djegur mandatet, sot nuk do të kishim këtë situatë në PD.
“Duhet ti kërkojmë llogari kujdo që urdhëroi apo vendosi djegien e mandateve të deputetëve, veprim që faturën e paguan sot çdo demokrat”, tha Murrizi.
Discussion about this post