Një rast tronditës është zbuluar së fundmi ku një baba dhe vajza e tij janë arrestuar si autorët kryesor të dyshuar për vrasjen e tre foshnjave të lindura nga incesti.
Ngjarja e tmerrshme ka ndodhur në Poloni. Mediat e huaja shkruajnë se bëhet fjalë për një polak 54-vjeçar dhe vajzën e tij 20-vjeçare, ku 54 vjeçari akuzohet edhe për përdhunimin e vajzës së tij të dytë.
Sipas mediave mësohet se trupat e tre foshnjave u zbuluan në bodrumin e shtëpisë së tyre dhe do t’i nënshtroheshin autopsisë.
Dy prej trupave të foshnjave ishin zbuluar vetëm disa ditë para arrestimit më 15 shtator, ndërsa trupi i tretë u zbulua pak kohë më vonë nga oficerët.
Mediat polake raportuan se një nga foshnjat kishte lindur tre javë më parë dhe vajza 20-vjeçare thuhet se është nënë e dy prej tre foshnjave.
Ndaj gruas me vendim të prokurorit është ngritur padi edhe për vrasje dhe inçest.
Discussion about this post