Çështja e zgjerimit/ Raporti i diplomatëve: BE s'mund të mirëpresë vendet e reja anëtare -

Në pikëpyetje çështja e zgjerimit të BE-së me Ukrainën, Moldavinë dhe vendet e Ballkanit Perëndimor

“Bashkimi Evropian nuk është në gjendje të mirëpresë shtetet e reja anëtare as në nivelin politik, as në nivelin e institucioneve”, thuhet në një raport të 12 ekspertëve politikë evropianë, i cili u hartua pas një urdhri përkatës nga francezët dhe gjermanët.

Siç raporton gazeta franceze Le Monde, e cila zbuloi pjesë të këtij raporti, gjetjet e tij nuk i detyrojnë në asnjë mënyrë ministritë e jashtme të Francës dhe Gjermanisë. Megjithatë, ato mund të jenë një shkas për fillimin e diskutimeve përpara samitit të dhjetorit, ku do të dominojë çështja e zgjerimit të BE-së me Ukrainën, Moldavinë dhe vendet e Ballkanit Perëndimor.

Sipas raportit të 12 ekspertëve, para anëtarësimit të vendeve të reja anëtare në BE, duhet t’i paraprijë reformimi i mënyrës së funksionimit, pra rishikimi i Traktatit Evropian.

Në veçanti, procesi i miratimit të vendimeve duhet të votohet me një shumicë të cilësuar dhe jo me unanimitet, dhe se disbursimi i fondeve evropiane varet nga respektimi i shtetit të së drejtës.

Në terma të përgjithshëm, deri në vitin 2030, krijimi i një Evrope me shumë shpejtësi, në qendër të së cilës do të jenë vendet anëtare të zonës së euros dhe Shengenit, ndërsa shtetet e Komunitetit Politik Evropian, të propozuar nga Franca, do të marrin pjesë në një rreth më të gjerë.

Vendet e Evropës Veriore dhe Lindore duket se janë krejtësisht kundër kësaj perspektive, duke parashtruar argumentin se kërkesave për anëtarësim të paraqitura nga Ukraina, Moldavia dhe vendet e Ballkanit duhet të marrin përgjigje menjëherë dhe jo me kalimin e kohës.