Një efektiv i Forcave Operacionale Berat është arrestuar nga policia në Greqi.
I arrestuari është identifikuar si Amarildo Kureta, 32 vjeç, i cili rezulton i kërkuar nga autoritetet italiane për trafik droge.
Raportohet se Kureta ishte duke shkuar me pushime në Greqi, ndërsa u arrestua në pikën e Kalimit Kufitar, duke hyrë në territorin grek.
Ende nuk dihet sepse Kureta nuk arriti të ndalohej nga autoritetet shqiptare, përsa kohë ishte shpallur në kërkim nga ato italiane.
Lidhur me ngjarjen, burime zyrtare nga Drejtoria Vendore e Policisë së Beratit, konfirmojnë se nuk kanë pasur asnjë njoftim nga Interpoli se efektivi i tyre ishte person “i shpallur në kërkim” për trafik droge.
Nga raportimet mësohet se Kureta kishte marrë lejen vjetore, konform të gjitha rregullave e diapozitivave të Policisë së Shtetit.
Amarildo Kureta ishte shpallur në kërkim nga shteti italian, ku akuzohet për trafik droge, pas hetimeve disa vjeçare dhe kriptimeve të bisedave telefonike mes efektivit dhe një rrjeti të strukturuar krimi në fushën e narkotikëve.
Përpara se të transferohej në Berat, Kureta ishte pjesë e Shqiponjave të Tiranës.
Discussion about this post