Një efektik policie u plagos mbrëmjen e sotme në Kinostudio, teksa ndiqnin një person të rrezikshëm, që dyshohet se ka qenë pajisur me armë. Personi i dyshuar për plagosjen e efektivit është shtetasi Klered Bozhani.
Mësohet se i plagosur ka mbetur polici Edlir Alleshi, që është dërguar me urgjencë në spital. Vetë ministri i Brendshëm Taulant Balla ka vizituar në spital Alleshin. Balla tha se reagime të tilla agresive ndaj punonjësve të policisë duhet të dënohen ashpër.
Ngjarja ka ndodhur kur një patrullë e Forcës së Posaçme “Shqiponja ka marrë informacion për një person që qarkullonte me armë zjarri, të cilin më pas e kanë ndjekur.
Sipas njoftimit të policisë, personi i armatosur ka hapur zjarr në drejtim të Forcave “Shqiponja” dhe si pasojë është plagosur efektivi, i cili dyshohet se ka marrë një plumb në pjesën e barkut dhe më pas është dërguar me emergjencë në spital.
Në ndjekje të personit të armatosur janë venë shërbimet e tjera të Forcave “Shqiponja”, Patrullat e Përgjithshme, dhe Njësitë Speciale Operacionale, janë bllokuar hyrje-daljet e të gjitha rrugëve, dhe vijon kontrolli për kapjen e personit të armatosur.
Discussion about this post