Dy inspektorë të Inspektoriatit Vendor të Mbrojtjes së Territorit në Elbasan janë arrestuar nga policia pasi kanë lejuar ndërtimin e një godinë pa leje në zonën e mbrojtur në Llixha në Elbasan.
Mësohet se, janë vënë në pranga të policisë për ndërtim të paligjshëm Donald Ziu, 28 vjeç dhe Alian Zabeli 34 vjeç. Këta persona u arrestuan nën akuzën për shpërdorim detyre, pasi lejuan të ndërtohej pa leje një objekt me sipërfaqe 5000 metër katror, në zonën e Llixhave, Elbasan.
Policia ka arrestuar edhe 6 punëtorët e ndërtimit: Indrit Çekrezi, 33-vjeç, Xhoi Pullumbi, 23-vjeç, Kristo Gjyla, 35-vjeç, Albion Dedja, 39 vjeç, Shkëlqim Vlashi, 35-vjeç, Selman Vlashi, Kledis Muça, 21-vjeç.
Ndërsa është shpallur në kërkim, Todi Puka, pronar i Hotel Puka, Elbasan, i dyshuar për veprën penale “Ndërtimi i paligjshëm”.
Materialet do t’i kalojnë për veprime të mëtejshme, Prokurorisë së Rrethit Gjyqësor Elbasan, për veprat penale “Shpërdorimi i detyrës” dhe “Ndërtimi i paligjshëm”.
Discussion about this post