Ditën e sotme do të nisë java e 11 e Superligës shqiptare me dy sfida shumë interesante. Sfida e parë do të nisë në orën 13:45 me përballjen Laçi-Dinamo.
Ko ndeshje shihet si shumë interesante me kurbinasit që po tentojnë të rikthehen në pozitat e kampionateve evropiane, ndërsa Dinamo u rikthye këtë vit në elitën e futbollit shqiptar dhe qëllimi është që të arrihen kampionatet evropiane. Aktualisht Laçi renditet në vend të 7 me 12 pikë, teksa Dinamo qëndron në vend të 5 me 13.
Përballja e orës 16:45 midis Teutës dhe Vllaznisë është një nga më interesantet e kësaj jave. Të dy këto skuadra vitin e kaluar ishin kampione të Superligës dhe Kupës së Shqipërisë, teksa ky sezon po duket jo shumë i mirë për to.
Teuta kampione në fuqi, me Renato Arapin që do të debutojë në pankinë, kërkon rikthimin te fitorja, ndaj Vllaznia që do vazhdimësinë pas fitoreve me Kastriotin e Laçin.
Aktualisht durrsakët renditen në vend të 4 me 13 pikë, teksa Vllaznia qëndron e treta me 16 pikë të grumbulluara në 10 ndeshje të luajtura./K.T/Gijotina.com
Discussion about this post