Drejtori shqiptar i Lazios, Igli Tare ka folur së fundmi në lidhje me situatën e vështirë ku është duke kaluar skuadra, me mungesën e rezultateve pozitive.
Në një intervistë të dhënë së fundmi për mediat italiane ai ka folur në lidhje me trajnerin Sarri, për të cilin është shprehur i bindur se meriton gjithë besimin.
“Sarri? Kemi vendosur të nisim një rrugëtim ne të dhe duhet të jemi më të vendosur në momentet e vështira. Momente të vështira janë parashikuar, por herë i zgjidhim para dhe herë pas. Futbolli i tij është i rëndësishëm, duhet të flasim shumë mes veti për të kuptuar se çfarë duhet për të ardhmen. E vetmja gjë e sigurt është se do të vazhdojmë me të me vendosmëri.”-theksoi ai.
Ndërsa duke folur për objektivat e skuadrës, Tare theksoi se duhet të luftojnë fort edhe për Champions League.
“Po bën mirë si në Seria A, në Europa League dhe në Kupën e Italisë. Tre objektiva janë ende të arritshëm. Jemi larguar nga Champions League, por për sa kohë që jemi atje, duhet të luftojmë.”-shtoi shqiptari.
Aktualisht Lazio renditet në vend të 9 të tabelës së Seria A me 22 pikë të grumbulluara në 15 ndeshje të zhvilluara./K.T/Gijotina.com
Discussion about this post