Ulsi Manja, ministër i Drejtësisë, dhe ish-Kryeministri Sali Berisha, u përfshinë në një debat gjatë seancës parlamentare, duke shkëmbyer akuza me njëri-tjetrin.
Debati nisi pasi ministri Manja u bëri thirrje kuksianëve që në 24 shtator të votojnë kandidatin e PS-së për kryebashkiak, Albert Halilaj.
“Kuksianët ditën e diel kani zgjedhje, kanë dy alternative. Ne kemi kandidatin tonë dhe socialistët e kukësianët e kanë ndarë mendjen do votojë Arben Halilajn. Do mbështesin atë, jeton aty dhe nuk është emigrant në Kukës.
E ndien dhimbjen për Kukësin, si ata atje. Nuk telekomandohet nga Tirana. Priteni ditën e diel me qetësi. E dinë Kuksianët kë do zgjedhin. Do e shohim kë do mbështesin banorët.
Unë e mora fjalën për të thënë mos ja qani hallin socialistëve dhe banorëve të Kukësit, se keni çuar një kanditat që premton se do ndaloj shpopullimi dhe do rikthej emigrantë nga Tirana në Kukës.
Albert Halilaj është një qytetar që është me rrënjë dhe me degë nga Kukësi, kurse kandidati juaj është në Tirana. Mos na thoni të hënën na vodhët votën se e keni refren këtë..”, tha Manja. Në vijim ai tha se i ka mundur demokratët si në Paskuqan, Dibër, Lezhë e Laç, zona ku Manja ka qenë i deleguar si përfaqësues i PS-së, ndërsa shprehu bindjen që edhe në Kukës sërisht do të fitojnë socialistët.
Por Berisha e akuzoi Manjën si kriminel electoral, madje i tha se krimet e tij nuk do të amnistohen dhe ai do të përfundojë në qeli.
“Ulsi shko zgjidhe vetë qelinë, do shkosh atje ku e ke vendin, krimet e tua kurrë nuk do të amnistohen. Edhe një gjë po të them, bëji një telefoni SKAP-it dhe thoji të arrestojnë Sali Berishën, mos harro bëj telefonin”, tha Berisha.
Discussion about this post