Paris Saint-Germain nuk pranon ta shesë Kylian Mbappe, ndonëse kontrata e tij përfundon në verën e 2022-shit dhe mund ta humbasë atë me parametra zero.
Real Madrid tentoi disa herë të bënte propozime në drejtim të klubit parisien për lojtarin francez, por që të gjitha u refuzuan.
Megjithatë së fundmi raportohet se PSG-ja po tenton të marrë lojtarë nga ‘Los Blancos’ dhe për këtë arsye këta të fundit do duhet të mbrohen.
Duket se klubi francez po sheh me vëmendje Fede Valverde, ndërsa po ashtu ‘frika’ qëndron edhe për Vinicius Junior, Rodrygo apo Eder Militao, të cilët nuk kanë rinovuar kontratat dhe do t’u vendosen klauzola mbi 700 milionë euro.
‘Marca’ ka raportuar se ‘Los Blancos’ do të blindojë me kontratat e reja talentet si Marvin, Arribas, Antonio Bianco, Miguel Gutierrez, Bruno, Marvel apo Rafa Marin.
Spanjollët janë të qartë se PSG do ‘hakmerret’ pas diskutimeve dhe tentativave për Mbappen dhe për këtë arsye po përgatiten./K.T/Gijotina.com
Discussion about this post