Deputeti Petrit Vasili me anë të një postimi në rrjetet sociale shkruan se në Shqipëri pensionet janë në nivel mizerabël. Vasili përdor një gjuhë kritike të ashpër, duke thënë se rilindasit janë batakçinj e duhet ta mbyllin gojën.
“Mbyllni gojën mor batakçinj rilindas të qeverisë e të parlamentit!!
Pensionistet trajtohen ç’njerëzisht nga Rama dhe hajdutët e tij!
Pensionistet nën nivelin e varfërisë.
Pensionistet nuk arrijnë as mbijetesën biologjike.
Pensionistet nuk blejnë dot as barnat, por marrin gjysma dhe çerek kuti ilaçesh nga varfëria.
Mjerimi i pensionisteve është fakt kaq i dhimbshëm që kërkon zgjidhje.
Pensioni mesatar si në qytet ashtu edhe në fshat është nën kufirin e varfërisë.
Në vitin 2022 pensioni mesatar në qytet ishte 180 USD në muaj ose 90 për qind e kufirit të varfërisë.
Pensioni mesatar në fshat ishte 105 USD në muaj ose 52 % e kufirit të varfërisë. Masa e pensioneve në vendin tonë është nën kufirin relativ të varfërisë me 6.7 USD në ditë rreth 201 USD në muaj.
Ndërkohë Rama dhe qeveria vjedhin qindra milion euro me koncesione e tendera dhe e kanë futur Shqipërinë me miliarda euro borxhe.
Ju vodhën pensionistëve edhe lekët që vijnë nga emigracioni me kursin e euros.
Dhe kanë surrat qeveria dhe deputetët pa karakter e flasin për indeksim pensionesh.
Mbyllni gojën dhe boll u tallet me dhimbjen dhe mjerimin mor të pacipë!”, shprehet Vasili.
Discussion about this post