“Ndrangheta”/ Operacion antimafia në Itali, shoqërohen 52 persona

Në të gjithë Italinë po zhvillohet një operacion kundër Ndranghetës, për ekzekutimin e 52 urdhrave të Prokurorisë.

Akuzat janë për shoqatë kriminale e tipit mafioz dhe shoqërim kriminal që synon trafikimin e lëndëve narkotike dhe e armëve.

Sipas mediave italiane mbi 400 efektivë policie janë përfshirë në operacion e quajtur “Karpanthos”, ku janë arrestuar gjithsej 52 persona në të gjithë Italinë, nga të cilëve 38 prej tyre, iu është dhënë masa “arrest me burg”, 6 prej tyre iu është dhënë masa “arrest shtëpie” dhe 8 prej tyre kanë marrë masën “detyrim paraqitjeje”.

52 personat akuzohen si pjesë të “Ndrangheta”, organizatë që trafikon lëndë narkotike, grabitje me armë, mallra të vjedhur dhe pastrimish parash.

Detajet e plota të operacionit ende nuk bëhen të ditura.