Faqet e 3 institucioneve shtetërore, përfshi këtu edhe atë të Kuvendit të Shqipërisë, dhe të dy bankave të nivelit të dytë, janë sulmuar nga hacker, që dyshohet se janë rusë ose financohen nga rusët.
Eksperti i IT, Valton Tahiri, përmes rrjeteve sociale, shprehet se sulmi kibernetik i deritanishëm është DDoS, ndërsa në sulm janë faqet zyrtare të Parlamentit, Bashkia Tiranë, Portit të Durrësit, Raiffisen Bank Albania dhe United Bank Albania.
Por ekspertët paralajmërojnë se jy sulm kibernetik ndaj faqeve zyrtare mund të jetë thjesht një tërheqje vëmendjeje, nga ajo që mund të jetë objektivi real i hackerave.
Ky sulm vjen dy ditë pas përplasjes që Kryeministri Edi Rama pati me ambasadorin rus në OKB gjatë mbledhjes së Këshillit të Sigurimit, Përplasja ndodhi për shkak të Ukrainës dhe procedurave që u ndoqën për ti dhënë fjalën presidentit ukrainas Zelensky.
Nuk dihet nëse ky sulm DDoS i nisur sot ka lidhje ose jo me këto përplasje në OKB, por ekspertë të IT ngrenë alarmin se Threat actor është me origjinë ruse ose duke u financuar nga Rusia.
Dyshimet që ngrenë ekspertët e IT janë se Shqipëria mund të përballet me një tjetër sulm kibernetik i ngjashëm me atë të iranianëve, sikundër u deklarua muaj më parë.
Postimi nga Valton Tahiri
Nje tjeter sulm kibernetik ndaj Shqiperise! Kesaj rradhe nga Russia ! Ky sulm vjen besoj pershkak te fjalmit te Edi Rames.. me heret.
Deri me tani kemi identifikuar vetem Sulm DDoS dhe jo diqka me shume mirpo mbetet te shihet. NoName eshte nje Threat actor me origjine Ruse dhe duke u financuar nga po vet Russia.
Deri me tani uebfaqet qe jane duke pranuar sulm jane:
– Uebfaqja e parlamentit.
– Uebfaqja e Portit te Durresit.
– Uebfaqja e qytetit te Tiranes.
– Raiffisen Bank Shqiperia.
– United Bank Shqiperia.
Vlen qe te ceket eshte se ky group noname(APT) pra kishte sulmuar te gjitha antaret e NATO’s njekohesisht edhe aleatet e Ukraines!
Burim: NoName telegram channels!
Discussion about this post