E diela duket se do ti japë fund temperaturave të larta të shtatorit, që vlerësohen 3-5 gradë më shumë se mesatarja e stinës ku jemi.
Sipas SHMU, ditën e dielë pritet një mot me vranësira dhe reshje shiu me intensitet të ulët. Ndërkohë dita e shtunë do të karakterizohet nga një mot i qëndrueshëm.
Parashikimi sipas SHMU
Ditën e Shtunë vendi ynë do të jetë nën ndikim të kushteve atmosferike të qëndrueshme me mbizotërim të motit të kthjellët.
Era do të fryjë nga kuadrati i jugut me shpejtësi mesatare 1-8m/s, ndërsa në bregdet fiton shpejtësi deri 15m/s duke bërë që valëzimi në dete të jetë i forcës 2-4ballë.
Ditën e Diel do të kemi ndryshim të situatës meteorologjike, si rezultat i masave ajrore të lagështa. Moti parashikohet me alternime vranësirash si dhe intervale kthjellimi. Vranësirat do të pasohen me reshje shiu me intensitet të ulët në pjesën më të madhe të vendit e lokalisht mesatar në veri. Era do të fryje me shpejtësi mesatare 6-8m/s. Valëzimi në dete do të jetë i forcës 1-2ballë.
Vihet re një rënie e ndjeshme në fushën termike në mesditë.
Discussion about this post