Një 33-vjeçari paraqitet i plagosur me thikë në spitalin e Vlorës

Një person i plagosur me thikë është paraqitur në spitalin e Vlorës, paraditen e kësaj të shtune.

Raportohet se i plagosuri është një 33-vjeçar, i identifikuar si Albano Meçorapaj.

Sipas policisë, dyshohet se i plagosuri është përfshirë në një sherr, që ka ndodhur për motive banale pas një grindjeje të çastit.

I plagosuri me Albano Mecorrapaj ndodhet në spital, jashtë rrezikut për jetën.

Ndërsa policia është vendosur në kërkim të autorit, 35 vjeçarit me iniciale R. K.

Njoftimi i policisë:

Rreth orës 09:30, në autostradën Vlorë-Fier, në afërsi të fshatit Novosel, dyshohet se shtetasi R. K., rreth 35 vjeç, ka goditur me mjet prerës(thikë), për motive të dobëta, shtetasin A. M., 33 vjeç.

Policia ndodhet në vendngjarje, ka ngritur pika kontrolli dhe po vijon krehjen e zonës, për kapjen e autorit të dyshuar të ngjarjes.

Shtetasi A. M. ndodhet në spital, jashtë rrezikut për jetën.

Vijon puna e grupit hetimor, për sqarimin e plotë të rrethanave të ngjarjes.