Deputetja e LSI, Erisa Xhixho ka zhvilluar një takim me avokaten e Popullit, Erinda Ballanca. Xhixho shkruan në Facebook se arsyeja e takimit është nisma e ndërmarrë nga ajo dhe CRCA/ECPAT për “Regjistrin Kombëtar të të dënuarve për Krime Seksuale”, që sipas deputetes duhet të diskutohet sa më parë në Komisionet Parlamentare.
Deputetja e LSI kërkon informacion nga Ballanca në mënyrë që ligji të jetë sa më në përputhje me Konventën Europiane të të Drejtave të Njeriut dhe gjithë kuadrit ligjor që mbron të drejtat e njeriut në dobi të interesit publik.
Gjithashtu, Xhixho kërkoi më shumë bashkëpunim nga Kuvendi në ushtrimin e këtij detyrimi për të mos pasur ligje në letër, por për të siguruar zbatimin e tyre .
Në fund, ajo shkruan se ka parë disa punime të fëmijëve që kanë shprehur mënyrën si i konceptojnë të drejtat e tyre në pikturë ku veçuan atë me titull “ Kam të drejtën të ëndërroj, të imagjinoj dhe të argëtohem” nga Bianka Xhiko nga qyteti i Burrelit.
Discussion about this post