Partia Demokratike e drejtuar nga Sali Berisha ka denoncuar parregullsitë e para në zgjedhjet e pjesshme vendore që po mbahen në Kukës, ku Emri Vata i “Bashkë Fitojmë” dhe Albert Halilaj i PS garojnë për postin e kryebashkiakut.
Përmes një njoftimi, PD ka denoncuar angazhimin në ditën e zgjedhjeve të zyrtarëve dhe doganierëve në mbështetje të kandidatit socialist Halilaj.
Kështu shefi i Urbanistikës në Bashkinë e Kukësit, njëherazi kryetar i komanduar i Bashkisë, Andrin Shehu është angazhuar në kopshtin nr1, ku ndodhet një qendër votimi.
Lad Spahiu, drejtori i Kadastrës, është i angazhuar te shkolla 1 Qershori, atje ku gjithashtu është angazhuar doganieri Luan Duraku.
Ndërkohë një tjetër zyrtare e denoncuar është Migena Gjici, drejtore e Postës Shqiptare, e cila është e angazhuar në qendrën e votimit te Shtëpia e Oficerëve.
Gjithashtu drejtoresha e gjimnazit të Kukësit, Vjollca Gashi, është një tjetër zyrtare që akuzohet nga PD e Berishës se në ditën e zgjedhjeve po ndihmon kandidatin e PS-së.
View this post on Instagram
Discussion about this post