Lulzim Basha, i cili ka marrë drejtimin e PD-së zyrtare, ka vijuar turin e takimeve në Zall Herr të Tiranës, ku bisedoi me fermerët e zonës dhe dëgjoi prej tyre problematikat me të cilat ata përballen çdo ditë.
“Kënaqësi të bashkëbisedoja me banorë në Zall-Herrit në Tiranë. Ata përballen sot me vështirësi të shumta që nga mungesa e mbështetjes për bujqësinë, mungesa e tregut dhe mungesa e vendeve të punës.
Edhe fondet që akordonte BE për bujqësinë u pezulluan për shkak të korrupsionit të kësaj qeverie, që nuk ndalet para abuzimit edhe me lekët që jep Europa.
Qytetarë të varfër, korrupsion i lartë. Fatkeqësisht, ky është realiteti sot në Shqipëri. Ndëshkimi i korrupsionit në nivelet më të larta është dhe fillimi i ndryshimit të vërtetë që presin shqiptarët”, shkruan Basha.
Discussion about this post