Një polic është vrarë dhe një tjetër është plagosur mëngjesin e sotëm në fshatin Banjska në Leposaviç. Lajmin e ka bërë me dije kryeministri i vendit, Albin Kurti, që tha se efektivi i ekekutuar është pjesëtar i Policisë Kufitare.
“Rreth orës 3 të mëngjesit sot, në fshatin Banjska të Leposaviqit, është sulmuar policia e Kosovës me ç’rast është vrarë një polic i Kosovës dhe një tjetër është plagosur. I vrari është polic i rendit me gradën rreshter, kurse i plagosuri është pjesëtar i policisë kufitare. Në këto momente ende vazhdojnë gjuajtjet me armë zjarri të kalibrave të ndryshëm mbi policinë tonë. Sulmuesit janë profesionistë me maska e të armatosur edhe me armë të rënda”, ka njoftuar ai.
Kryeministri ka dënuar sulmin kriminal e terrorist. “Krimi i organizuar me mbështetje politike, financiare dhe logjistike nga Beogradi zyrtar po e sulmon shtetin tonë. Në këtë betejë ne mbrojmë dhe zbatojmë ligjin, mbrojmë dhe ruajmë qytetarët pa dallim dhe Kosovën e pavarur. Kriminelët ekzekutorë dhe urdhërdhënësit e tyre do të dështojnë, do të kapen, gjykohen e dënohen. Qeveria e Republikës së Kosovës dhe institucionet e shtetit janë të gatshme dhe të bashkërenduara për t’iu përgjigjur krimit dhe kriminelëve, terrorit dhe terroristëve”, thotë ai.
Ndërsa më tej, Policia e Kosovës u kundërpërgj, teksa në mospërgjigje për dorëzim, dy agresorë u vranë. Fotot janë të një prej agresorëve.
Discussion about this post