Në Kukës ka nisur numërimi i votave për zgjedhjen e kryebashkiakut të ri, ndërsa në garë janë Emri Vata, kandidati i koalicionit opozitar “Bashkë Fitojmë” dhe Albert Halilaj kandidat i PS-së.
Rezultatet ndiqini KETU
Numërimi nisi pas orës 23:00. Janë 74 kuti votimi dhe janë ngritur 5 grupe numërimi.
Në mbrëmje Kryekomisioneri i lirjan Celibashi u bëri thirrje subjekteve zgjedhore që kanë të drejtë të emërojnë anëtarët e Grupeve të Numërimit të Votave që të veprojnë pa humbur kohë dhe të vijojnë me detyrimin ligjor të numërimit të votave në mënyrë të pandërprerë.
Procesi i votimit u mbyll në orën 19:00, ndërsa sipas KQZ-së në zgjedhje morën pjesë 45,63 %.Më pak qytetarë ushtruan të drejtën e votës, krahasuar me zgjedhjet e 14 majit, ku fitoi socialisti Safet Gjici, mandati i të cilit zgjati pak për shkak të skandalit seksual, ku ai u përfshi. Në zgjedhjet e 14 majit morën pjesë 52.79% e qytetarëve.
Discussion about this post