Arnando Broja ka bërë rikthimin e tij të madh në fushat e blerta pas nëntë muajve duke qëndruar jashtë tyre.
Sulmuesi shqiptar u rikthye të dielën duke luajtur për disa minuta me fanellën e Chelseat në përballje me Aston Villën.
Broja e nisi sfidën ndaj Aston Villas nga stoli, ndërsa zbriti në fushë në minutën e 79-të, duke zëvendësuar Moises Caicedon.
Në një reagim në rrjetet sociale, Broja shprehu keqardhje për humbjen 0-1 ndaj Aston Villas, ndërsa më tej falënderoi të gjithë ata që punuan në rikthimin e tij.
“Natyrisht nuk është rezultati që prisnim sot, por çfarë ndjesie e pabesueshme dhe emocionale të kthehesh në fushë pas kaq shumë muajsh jashtë”.
“Faleminderit djema për mbështetjen dhe faleminderit të gjithëve që punuan për kthimin tim”, ka shkruar reprezentuesi shqiptar.
View this post on Instagram
Discussion about this post