Pezullohet nga detyra efektivi i Rrugores, dyshohet se…  

Një efektiv i policisë rrugore është pezulluar nga detyra, ndërsa po hetohet për korrupsion pasiv dhe shpërdorim detyre.

Efektivi E.P dyshohet se kundrejt pagesave nuk ndëshkonte me masë administrative drejtuesit e mjeteve që shkelnin rregullat e qarkullimit.

Ndaj efektivit të Policisë Rrgore, Gjykata e Fierit kishte vendosur masën e sigurimit personal me karakter ndalues “Pezullimi i ushtrimit të një detyre a shërbimi publik”. Ky vendim është ekzekutuar sot nga Agjencia e Mbikëqyrjes Policore.

Punonjësi E.P shërbente si Trup Shërbimi i Trafikut Interurban dhe Urban në DVP Fier

Agjencia e Mbikëqyrjes Policore ka kryer ekzekutimin e vendimit të Gjykatës së Shkallës së Parë të Juridiksionit të Përgjithshëm Fier, e cila ndaj oficerit të policisë Inspektor E.P., me detyrë Trup Shërbimi i Trafikut Interurban dhe Urban në DVP Fier, i dyshuar për kryerjen e veprave penale “Shpërdorimi i detyrës” dhe “Korrupsion pasiv i personave që ushtrojnë funksione publike”.

Mësohet se ky procedim është ndjekur në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Fier, pas dyshimeve se oficeri i policisë, Inspektor E.P. ka kryer veprime korruptive me drejtues automjetesh, duke mos i ndëshkuar me masë administrative.