Një shqiptar, rreth 40 vjeç, ka arritur të largohet nga burgu i Teramos. Mediat italiane shkruajnë se arratisja ka ndodhur paraditen e sotme, ndërsa autoritetet po kontrollojnë kamerat e sigurisë për të kuptuar se çfarë ka ndodhur dhe se si shqiptari ka mundur të largohet nga qelia.
Dyshimet janë se shqiptari, i cili ndodhej në burg për trafik droge, të jetë ndihmuar nga një dron i jashtëm.
Autoritet italiane janë duke kërkuar 40-vjeçarin shqiptar, ndërsa dyshohet se ndodhet në qytetin e Abruzzos.
Në deklaratën e policisë thuhet se “dyshohet se i burgosuri është arratisur falë ndihmës së një droni të jashtëm, i cili i ka siguruar mjetet e nevojshme për t’u larguar nga burgu i Teramos. Ngjarja ka ndodhur në orët e para të mëngjesit të sotme.
Për momentin janë duke u ekzaminuar regjistrimet e të gjitha kamerave të IEVP Teramo për të kuptuar dinamikën e saktë të arratisjes së kryer nga i burgosuri shqiptar”.
Ngjarja ka shkaktuar reagime në Itali, ku shumë prej tyre, përfshirë dhe mediat e kanë cilësuar ngjarjen si ‘aksion i denjë për një film amerikan’.
Discussion about this post